ARDUINO DAY 2019: ¡¡¡chamada a makers!!!

Dende MakersLugo, este 2019 será o sexto ano consecutivo que intentaremos outro evento maker aberto a tódolos públicos. Aproveitando a celebración global do Arduino Day, será o sábado 6 de Abril, en Lugo. Sendo nesta fecha para non coincidir con outros Arduino Day de España.

Pretendemos que sexa un día de celebración, con outros makers, de coñecernos, de charlas, de ideas, e de mostrar esa cacharrada que se construe ao longo do ano na casa. Como o que nos gusta é compartir e aprender, estamos deseosos de novos “trasteadores” e “pensantes”, que queiran mostrar os seus proxectos, presentarnos as súas ideas, ou facer pequenos obradoiros.

Arduino Day 2018

Nós mostraremos algo do que temos entre mans, pero queremos contar co maior número de persoas posible. Así que dende aquí abrimos un período de propostas a todo aquel que desexe un espacio para amosar o que está a facer, realizar un obradoiro relacionado con Arduino e as tecnoloxías libres, ou dar unha breve presentación pública dos seus proxectos.

Para tratar de organizar, o formulario de participación estará ata os últimos días antes do evento. Ou a través do contacto deste blog.

Montaxe Impresora Ender 3

Este sabádo día 26 de Xaneiro, pretendemos montar en horario de mañan 10:30 a 13:30 aprox, unha Ender 3 para o noso local.

Aproveitando que os nosos socios van a estar montando esta impresora, tiñamos pensado abrir o noso local as persoas interesadas en ver a montaxe, resolver dudas sobre esta maquina, ou outras, e sobre todo pasar un bo rato.

Si estas interesado en asistir, aprender, resolver dudas, e pasar unha mañan diferente, apuntate no seguinte formulario, para ter unha previsión da asistencia.

Confiamos nos deuses da loxistica, que sempre se levan ben cos “Makers”!!

Reto de Impresión 3D no Arduino Day Lugo 2019

O Arduino Day Lugo este ano vai a celebrarse o día 6 de Abril, sendo así, para non coincidir con Arduino Day Zaragoza e Arduino Day Logroño.

Este ano dende Makers Lugo animamonos, coa axuda da nosa recién chegada socia Mónica, a propoñer a todos os “Makers”, xa poidan asistir ou non, un reto de Impresión 3D.

O reto vai consistir no seguinte, intentaremos recrear a través de pequenos bloques, unha das partes máis coñecidas da nosa Muralla de Lugo.

Debido a forma da Muralla de Lugo, neste reto de Impresión 3D teremos catro tipos de pezas.

Todos os arquivos .stl tedelos subido a Thingiverse

Sendo así consideramos que para unha mellor organización e necesario que apuntedes no seguinte fomulario o número de pezas que ides aporta ->

Se non podes asistir ao evento, e queres que as tuas pezas sexan incluidas, podes envialas a seguinte dirección postal:

CEI Nodus
Local Nº5 Triesfera
Avenida da Coruña, 500 – Lugo Código Postal: 27003

Esperamos que sexa algo divertido para todos, e a queimar PLA!!

Contador de Persoas

Fai un tempo, nun sábado de cacharreo, saíu a idea, e tamén un pouco a necesidade, de algunha forma poder saber cantas persoas acoden aos nosos eventos. E así tamén poder ver se imos a mellor ano a ano.

Entón apareceu a idea dun “contador de persoas” maker, idea que surxiu dunha choiba de ideas entre tres dos nosos socios.

Para non complicarnos demasiado, xa que o noso tempo non e moi extenso, decidimos facer algo sencillo pero ao mesmo tempo funcional. Desta forma surxiu a idea de contar persoas con un sensor de distancia, entón así cada vez que se rexistra un cambio de distancia se suma un ao contador.

Polo momento xa temos en Thingiverse os arquivos .stl para imprimir a carcasa.

Pronto daremos avances sobre o código fonte e os arquivos sobre un soporte no que estamos a traballar para que sexa mais cómodo de colocar nas entradas.

Maker Ciencia 2018

Experimentos científicos, impresión 3D e robótica

Dende Makers Lugo coa colaboración da nosa recen incorporada socia Teresa, propietaria de Ciencia Kids, ocorreusenos a idea de realizar un día de portas abertas, para  mostrar a os rapaces e rapazas, que a ciencia e o movemento maker van da man.

O día 22 de Septembro, en horario de 11:00 a 13:00 abriremos as portas ao local de Makers Lugo, situado no CEI Nodus.

Rapaces e rapazas con un rango de idades entre os dez e os dezaoito anos, están convidados a vir coñecer de primeira man o local de Makers Lugo. No cal habera experimentos científicos, impresión 3D, CNC, robótica…e algunha que outra cousiña máis.

Para a asistencia ao Maker Ciencia, e necesario cubrir este pequeno formulario, xa que dispoñemos dun espazo limitado.

As prazas estan completas, pero podes apuntarte para entrar na lista de espera!!

Podes ver unha mostra do que foi neste video.

AXENDA #ArduinoD18 Lugo

Haberá máis de 400 eventos a nivel mundial para a celebración do Arduino Day. En Lugo, o 12 de maio, MakersLugo propón un deles.

Dende o ecosistema Arduino, uns poiquiños makers de Lugo, e bastantes de fora, mostraremos fundamentalmente, o potencial de compartir a tecnoloxía co diseño aberto. Axúdanos a poñer o noso graiño de area e a difundir este evento.

Aquí tes a axenda:

Durante todo todo o día, de 10.30 a 13.30 e de 16.30 a 19.00, no CEI-Nodus, haberá demostración de proxectos, poderás apuntarte e aprender algo nos talleres, ou concursar co teu cacharo nalgunha competición de robots, …

Para coñecer un pouco a fondo algún proxecto poderá haber presentacións explicativas.

VOTALLE UN VISTAZO Á AXENDA

TALLERES DE TECNOLOXÍA MAKER en Lugo!!! Escornabots. Soldando e programando Arduino. 3D.

Dentro das actividades do Arduino Day 2018, o sábado 12 de Maio, en Lugo, propoñemos tres talleres de filosofía maker (investiga, diseña, fai ti mesmo e comparte). Aprender facendo é entretido e entra moito mellor…

Temos para varios intereses e idades. Vótalle un vistazo ás características e condicións do que máis che interese, e inscríbete.

Taller de montaxe de escornabots. Uns robotiños educativos para xogar os nenos e aprender os maiores…

Taller de iniciación á soldadura electrónica e a programación de Arduino. Montarase un circuito entrenador que poderás levar para añadir como escudo ao teu Arduino e probar programando cousas divertidas

Taller de iniciación ao modelado en 3D. Verás que diseñar as túas pezas e ideas non he tan difícil.

Competicións de robots en Lugo!!!

Dentro das actividades "lúdicofestivas" programadas no Arduino Day 2018, en Lugo, durante o 12 de maio, temos preparadas competicións de robots sigueliñas e de robots de minisumo. Se che interesa o tema, a nós interésanos xuntar máis competidores…

Se queres participar, só tes que inscribirte e poñer a punto teu robot. Vótalle un vistazo ás regras, e as condicións. Pero somos primerizos seremos flexibles.

Anímate:

Con carreiras de robots sigueliñas.

Ou:

Con loitas de robots de minisumo.


ARDUINO DAY 2018: ¡¡¡chamando a makers!!!

Dende MakersLugo, este 2018 será o quinto ano consecutivo que intentaremos outro evento maker aberto a tódolos públicos. Aproveitando a celebración global do Arduino Day, será o sábado 12 de Maio, en Lugo.

Pretendemos que sexa un día de celebración, con outros makers, de coñecernos, de charlas, de ideas, e de mostrar esa cacharada que fas na casa, ao público. Como o que nos gusta é compartir e aprender, estamos deseosos de novos “trasteadores” e “pensantes”, que queiran mostrar os seus proxectos, presentarnos as súas ideas, ou facer pequenos obradoiros.

ArduinoDay2017Lugo

Nós mostraremos algo do que temos entre mans, pero queremos contar co maior número de persoas. Así que dende aquí abrimos un período de propostas a todo aquel que desexe un espacio para amosar o que está a facer, realizar un obradoiro relacionado con Arduino e as tecnoloxías libres, ou dar unha breve presentación pública dos seus proxectos.

Para tratar de organizar, o formulario de participación estará ata os últimos días antes do evento. Ou a través do contacto deste blog.

Un sábado de cacharreo!!

Periódicamente os sabados polas mañans en Makers Lugo xuntamonos para compartir coñecementos adquiridos durante a semana, charlar e incluso de cando en vez idear novos proxectos.

Ayer día dez de Marzo, xuntamonos uns cantos socios, a actividade era visible e todos tiñamos ganas de cacharrear.

Un dos nosos socios, tiña a necesidade de imprimir un adaptador para o ventilador de capa da súa futura Impresora 3D. Entón tocou o momento de poñer a punto a nosa Prusa I3,que levaba un tempo sen uso. Pero despois de un par de retoques a imprimir!!

Tamén estaban polo local outras impresoras como a do noso socio @fendetestas, que estaba a ter problemas con desplazamento de capas, aproveitou a mañan para ir descartando posibles fallos e ir poñendo a funcionar esta pedazo de Impresora 3D.

Tamén trouxo esta pequena CNC na que esta a traballar e a facer modificacións para poder fresar con ela pequenas PCBs.

E polo medio de tantas máquinas atopabanse as pezas que xa imos tendo listas para o noso robot Inmoov, que avanza a pasos axigantados.