Categoría: noticias

Hai xa confirmados máis de 250 eventos a nivel mundial para a celebración do Arduino Day, o sábado 28 de Marzo, e Lugo vai ser un deles!

Teremos makers que chegarán dende tódolos rincóns de Galicia: Coruña, Pontevedra, Santiago, Ourense, Vigo, … e que configuran unha axenda do máis interesante, dende impresoras 3D ata control enerxético do fogar, pasando por robótica educativa e invernadoiros controlados por Arduino.

Durante todo o día, no Centro Uxío Novoneyra, haberá un espacio para demostracións de proxectos aberto de 10:00/13:30 e 16:30/19:30. Ademáis, pola mañá de 11:30 a 12:30 e pola tarde de 17:30 a 18:30 faremos presentacións onde poderás coñecer de primeira man ás persoas que hai detrás dos proxectos.

 

Axúdanos a difundir o evento e facer que Lugo se convirta, por un día, no centro das tecnoloxías libres no noroeste español!

Hoxe, os Makers Lugo cumplimos 1 ano dende a nosa primeira quedada, organizada gracias ó noso padriño Tucho. 1 ano onde fixemos o noso primeiro evento público na cidade, empezamos a construir unha impresora 3D para o grupo e puxemos en marcha un par de proxectos persoais (algún xa público!). 1 ano e moitos máis que virán!

Logo da reunión inicial e de varias outras que fomos facendo ó longo do mes, agromou a idea de que había un núcleo de xente con un interese común e que xa tiñamos feito algunhas cousas por separado. Por iso, co interese de traballar xuntos empezamos a organizarnos, buscar lugares onde reunirnos, poñer en común proxectos, etc.

E logo de apenas 1 mes dende a quedada inicial, xa estamos en proceso de constitución como asociación!

A primeira Xunta Directiva está formada por Manuel (Presidencia), Hugo (Vicepresidencia), Edu (Secretaría), Yanina (Tesourería), Suso (Vogalía) e Andrés (Vogalía).