Archivos de la categoría eventos

Resumo Somero2015

A pasada semana o noso compañeiro Andrés Maneiro estivo en Gijón, no evento Somero 2015. Dentro do inspirador programa, había un track de especial interese para os makers.lugo: o dedicado a modelos de produción distribuida e á función dos espacios maker.

kano

Tanto as conferencias como as charlas en privado foron do máis ilustrador, e hai un par de ideas que paga a pena resaltar:

  • As políticas de emprego fan incidencia na formación para a xestión dunha empresa. Porén, é preciso apoio e formación para o desenvovemento de produto, que require doutras habilidades e coñecemento.
  • A iteración é fundamental no desenvolvemento de produto, para aprender qué cousas funcionan e cales non. A primeira proba do proxecto kano, por exemplo, fixérona con hardware e software existente, eles apenas fixeron nada máis que compralo en amazon e montalo: a partir desa proba que presentaron en escolas, recibiron feedback para ir aprendendo cómo crecer o produto.
  • O prototipado áxil e o acceso a ferramentas básicas cobran especial relevancia. Ter a posibilidade de construir prototipos de maneira rápida é fundamental nas fases iniciais do proxecto, para probar ideas. Esto supón ter acceso a impresoras 3D, cortadoras láser, CNC, etc. Os deseñadores de StudioNeat, construiron os primeiros conceptos do soporte para móvil que comercializan nun espacio maker da súa cidade.
  • Existe oco para espacios de mostra de produtos. No FabLab da Universidade Laboral impulsan un mercadillo mensual coa xente que colabora e participa no seu espacio maker, con bo resultado. Por todo o mundo hai feiras maker, como a Compostela Maker Faire, na que participaremos este sábado 17.

Pero a principal lección aprendida deste evento é a constatación de que as escalas de produción e financiación do produto víronse enormemente reducidas, co cal é máis sinxelo que nunca fabricar obxectos con tecnoloxías avanzadas, persoalizados e a baixo custe. Por outra banda, a comercialización, gracias a internet, pode chegar a ter unha audiencia masiva e un largo alcance.

Ábrense oportunidades de todo tipo para os makers que logren conxuntar ideas, unha boa rede de contactos e acceso ás ferramentas básicas de fabricación e distribución. Neste contexto, o valor dos espacios maker como o que pretendemos consolidar en Lugo, radica na súa capacidade de conectar persoas e configurarse como un polo tecnolóxico e de aprendizaxe dentro da cidade.

Eventos para un outono maker

Remata o verán e recuperamos as forzas todas para continuar trasteando e construindo proxectos. Para este outono, os makers.lugo estaremos participando de diferentes maneiras nos seguintes eventos:

Gijón, Ancovoligo – 7 ó 11 de Outubro

Estaremos no primeiro GNU Social Camp a nivel internacional, onde coñeceremos a algúns dos pioneiros do movemento indie web e da web distribuida. Asistiremos tamén á charla de Alejandro Simón do proxecto Kano, que contará a experiencia de expansión dunha empresa a partir dun proxecto que nace mediante crowdfunding. Posteriormente, estaremos nos seminarios de creación de empresas de economía directa con Alejandro e Lucía García, do FabLab da Universidade Laboral de Gijón.

Santiago de Compostela, SCQ Maker Faire – 17 de Outubro

Organizada polo equipo de VermisLab, esta feira reunirá a xente de diversos mundos que teñen moito en común: dende os makers de faino ti mesmo ata os artesáns. Será a primeira Maker Faire realizada en Galicia e estaremos alí por partida doble: Raúl Chamorro estará presentando o seu proxecto de sonorización de espacios e Andrés Maneiro representará a makers.lugo nunha mesa redonda sobre os espacios makers nas cidades de Galicia.

A Coruña, OSHWDEM – 7 de Novembro

A xa senlleira OSHWDEM realiza a súa 4ª edición e nós non podemos menos que participar para aprender dos nosos irmáns maiores, BricoLabs. Desta volta non presentaremos proxectos nin charlas, simplemente desfrutaremos das persoas e proxectos que por alí pasan.

Ó longo de todo o eixo cántabro-atlántico, de Gijón a Coruña pasando por Santiago de Compostela, este outuno haberá actividades maker para todos. Anímate a participar!

Videos #ArduinoD15

Gracias á Fundación TIC, temos dispoñibles as grabacións da xornada de tarde do Arduino Day en Lugo. Se non tivéchedes a oportunidade de asistir ou se quedáchedes con mono de tecnoloxías libres, aquí vos deixamos as presentación da tarde para que as desfrutedes.

Corte do Arduino Day

Cristina González – Por qué usamos tecnoloxías libres en Nova Xestión Cultural?

Tucho Méndez – Escornabot: robótica educativa libre

Álex Ferreiros, EnxineDomeduino: control enerxético no fogar

Raúl Chamorro – Sonorización de eventos con Arduino

Manuel Ortega, Las IndiasHacia un nuevo mundo, la revolución industrial P2P

Arduino Day 2015: call for makers!

Por segundo ano consecutivo, unímonos ás celebracións globais do Arduino Day. O sábado 28 de Marzo, en Lugo, realizaremos un evento aberto e para tódolos públicos, con posibilidade de demostracións de proxectos (show & tell), breves presentacións e obradoiros.

OLYMPUS DIGITAL CAMERA OLYMPUS DIGITAL CAMERA
OLYMPUS DIGITAL CAMERA OLYMPUS DIGITAL CAMERA

Éste é un día para celebrar con outros makers e dar a coñecer o que fas ó público xeral, polo que desexamos contar co maior número posible de persoas! Abrimos o período de envío de propostas a todo aquel que desexe ter un espacio onde amosar o que está a facer, realizar un obradoiro relacionado con Arduino e as tecnoloxías libres ou dar unha breve presentación pública dos seus proxectos.

O formulario de participación estará aberto ata o 13 de Marzo.

Arduino Day 2014

Mañá sábado, de 10:30h a 13:30h, na Casa da Xuventude celebraremos os 10 anos de Arduino en Lugo.

9583831483_00cbec7d65_b

Dependendo dos intereses dos participantes, ás 11:30/12:00 faremos un taller introdutorio para aqueles que non coñezan a plataforma, outro intermedio para os que xa deron os seus primeiros pasos con Arduino, teremos ademáis un espacio para amosar os teus proxectos, xente coa que falar de hardware libre, etc. ¿Qué mellor plan para un sábado pola mañá?

Ven a celebrar os 10 anos de Arduino connosco! #arduinod14